k.d. lang på Sentrum Scene

Kanadiske k.d. lang har tjue år bak seg som artist, og kom til Sentrum Scene 16. juli med turnéen med same namn som den nye plata - "Watershed".

I Oslo fekk vi høyre både gammalt og nytt - mellom anna Helpless, Wash me clean, Sunday, Once in a while, The Valley, Hallelujah (ein versjon som får ein til å undre seg over kva "gitarkompisane" tenkte på med si gladlåt-versjon av Leonard Cohen-klassikaren), A kiss to build a dream on (som ho spelte inn saman med Tony Bennett på plata A Wonderful World), Pay dirt, Jealous dog og sjølvsagt Constant craving.



47-årige k.d. lang beviste at ho enno har ei fantastisk røyst og gav publikum ei fin oppleving utan store overraskingar.